Qırğızıstan Respublikasının Çuy vilayətində Türk Dövlətləri Təşkilatına (TDT) üzv ölkələrdən olan gənc könüllülər üçün Beynəlxalq Məktəb təşkil olunub.

AZƏRTAC-ın Qazaxıstan Respublikasının Mədəniyyət və İnformasiya Nazirliyinin mətbuat xidmətinə istinadən verdiyi məlumata görə, tədbirdə Qazaxıstan, Qırğızıstan, Azərbaycan, Türkmənistan və Özbəkistandan təxminən 100-ə qədər könüllü iştirak edir.

Tədbirə könüllülər təşkilatlarının nümayəndələri, dövlət qurumları və Türk Dövlətləri Təşkilatına üzv ölkələrin beynəlxalq və qeyri-hökumət təşkilatlarının gəncləri də cəlb olunub.

Məktəb beynəlxalq əməkdaşlığın möhkəmləndirilməsi və könüllülük sahəsində qabaqcıl təcrübələrin mübadiləsi üçün böyük imkanlar yaradır.

Www.soydasaz.kepenekci.net