Gürcüstanın hakim “Gürcü Arzusu” partiyası dekabrın 14-də keçiriləcək prezident seçkilərində namizədin adını açıqlayıb. 

Partiyanın qurucusu Bidzina İvanişvili Siyasi Şuranın iclasından sonra keçirdiyi brifinqdə bu posta 53 yaşlı Mixail Kavelaşvilinin namizədliyini irəli sürüldüyünü bildirib.

 Mixail Kavelaşvili 11-ci çağırış Gürcüstan parlamentinin deputatıdır. O, 2016-2020-ci  və 2020-2024-ci illərdə “Gürcü Arzusu-Demokratik Gürcüstan” seçki blokundan iki çağırış Milli Məclisin deputatı olub.

O, bu ilin mart ayından həm də, “Xalq Hakimiyyəti” partiyasının siyasi katibi vəzifəsini daşıyır.

Www.soydasaz.kepenekci.net