Gürcüstanda yerli özünüidarəetmə orqanlarına və bəzi şəhərlərin meri vəzifəsinə oktyabrın 2-də keçiriləcək seçkilərdə 50 siyasi partiya iştirak edəcək.

Bu barədə Gürcüstan Mərkəzi Seçki Komissiyası (MSK) məlumat yayıb.

MSK artıq siyasi partiyaların seçkilərdə iştirak üzrə sıra nömrələrini müəyyən edib.

Hakim “Gürcü Arzusu-Demokratik Gürcüstan” Partiyası seçkilərdə 41-ci, əsas ana müxalifət hesab edilən “Vahid Milli Hərəkat” partiyası 5-ci nömrə altında çıxış edəcək.

Sabiq baş nazir Giorgi Qaxariyanın təsis etdiyi və ölkədə üçüncü əsas güc kimi təqdim olunan “Qaxariya-Gürcüstan naminə” partiyası isə 25 nömrə ilə mübarizə aparacaq. publika.az
 

Www.soydasaz.kepenekci.net